Jeffery魏浚笙今日（18/7）與電影《浪花男女》導演馮志強出席以電影為題的全紀錄簽書會，戴了眼鏡的Jeffrey自言是為了增加書卷味。講到書中有他的騷肌照，他指其實只有很少部份，因為玩Wakesurf要把身體微彎，故很容易有「腩」。可有計劃出寫真集？Jeffrey最初笑言要睇價錢，但之後又說沒有諗過，還形容自己一看便知好有文學修養，所以寫真還是留給想出寫真的人，而且感覺男人很難擺甫士，除非只影手指！
講到對電影票房的期望，他即說：「梗係唔期望啦！」表示把這個交給觀眾，而且沒有期望便不會失望，即使一個人入場欣賞一樣開心。笑問他可會送一本簽名的書給頭號粉絲阿正？Jeffrey即大方表示一定會，還多謝阿正由內到外都支持他。不過，他接着就爆阿正下盤穩重，好適合玩Wakesurf，因為唔容易落水，認真抵死！
另外，劇集《地獄大狀》預告片已播出，但Jeffrey指他不清楚何時播，又說：「我好期待呀！因為我都『施捨咗』……（會唔會係『施展咗』？）係，係施展咗唔同嘅功夫喺裏面……講吓笑啫，呢啲點會唔識！」至於，近日ViuTV重播四年前劇集《ISWIM》，Jeffrey坦言言好懷念那種青春及熱血，因為當時真的拍攝好開心，「嗰時真係後生好多，但時間一天一天老去，樣貌就是這樣，大家都要把握現在，留住青春啦！」
