農夫昨晚（18/7）於澳門舉行《農夫全香港最好笑嘅演唱會》，邀請了「琳琳姐」陳慧琳Kelly任嘉賓。是次演唱會票價比香港貴「八蚊」，全場8000座位坐滿，合共 $64000，農夫笑言就當大家夾錢買一次百家樂。
Kelly在Encore環節出場，手持羅庚的她由台底升上來，先用手遮面唱《風生水起》，唱了幾句才把羅庚掉開，全場即時瘋狂尖叫；接着，三人再合唱《花花宇宙》及《紀念日》。Kelly還笑謂：「玲玲姐唔嚟，因為佢出面手風好順！
陸永就趁Kelly任嘉賓，向她追問一直的疑惑：「《大日子》呢首歌陪我哋好耐㗎喇，大家傾下首歌究竟講咩？Kelly, come on shake your body……之後睇番歌詞先知係『Kelly wanna move my body』？即係咩意思？Kelly過嚟郁我身體？郁我身體？咁鬼怪嘅？哈哈……」Kelly聽完都忍唔住笑住話：「你咁講完，我都開始覺得有啲怪……『Kelly wanna move my body』喎……」陸永再補充：「哦，即係有條友聽你音樂好想郁，但要問過你先！」
完成澳門站後，農夫便歸隊與張繼聰籌備綜藝舞台Show《人夫集團》，二人呼籲大家繼續期待，並預告或會展開世界及內地巡演，延續「全香港最好笑」的傳奇。
