森美今日（5/7）拍片放社交平台，並寫着「大頭蝦同蠢係咪同一樣嘢嚟㗎呢？我係大頭蝦定係…..唉！」原來他誤把MC張天賦的演唱會門票掉進洗衣機洗爛，難怪出現自我懷疑……
片中森美一臉無奈，表示要向大家分享人生一件「棘手」事，他說：「就係我幫人買演唱會飛，咁啲人就畀飛我，我就要畀返人啦，結果……我將啲信封連埋啲飛放個褲袋度，條褲咁啱落咗洗衣機，而家啲飛（手揸住一啲紙碎）咁當然呢個係信封，而啲飛就爛晒，我應該點做，呢啲屍骸畀唔畀到朋友入到去紅館睇MC呢？點算……」森美亦同時上載了兩張爛飛的屍骸，只見票面仍貼着一張黃色Memo，當中仍能見到「903 Samm」幾個字。
網民紛紛給替森美獻計，更有網民Tag埋 @mcheung1201「問下佢有冇飛」。對於今次「洗飛意外」，《田木》小編向森美了解如何「補飛」，森美大哥回覆表示，已獲唱片公司代為處理：「可唔可以幫我多謝佢哋，喺我最迷惘嘅時候向我伸出援手，『唔使驚呀，我哋會幫你寫返封信，知道你買咗邊個位，就幫你做返㗎嘞。』」
森美今次幫朋友訂的《張天賦E=mc² 演唱會2026》將於 7月7日-7月11日假紅館，距離兩日便開唱，所以森美兩位朋友今次可謂有驚無險！
