陳曼娜今日（5/7）出席活動，講到她早前大爆楊思琦以前拍劇遭商天娥帶頭欺凌，她直言：「冇人夠膽講咪我講囉！因為件事牽涉成班演員，我覺得好唔公平。」她續謂，自己當日戲份少，與楊思琦接觸場口唔多，但當日她剛好在現場。
談及當日情況，陳曼娜說：「個女好大聲鬧，個男又好大聲鬧，思琦喺我附近，當時環境令佢頂唔住，跟住佢走咗出去化妝間喊，我唔知邊個啱邊個唔啱，見佢細路女，我就走出去安慰佢，佢話已經成日同佢哋有拗撬，話好難過。」陳曼娜又指：「欺凌嗰個男嘅，之後仲走出嚟我，佢（楊思琦）講乜嘢？我話『冇嘢』。」
而在欺凌事件爆出後，陳曼娜曾為夏雨講好話，指她並沒有鬧人，陳曼娜說夏雨有在大陸打電話給我表示多謝。至於事件「女主角」商天娥又可有聯絡她？陳曼娜反問：「佢敢搵我咩？（咁你會唔會搵佢？）搵娥姐做咩呀？等佢鬧我呀？」陳曼娜又補充，很多跟對方合作過的人都有講過她，所以她認為對方唔出聲最好。
足本訪問 請到YouTube睇片 🔴
相關新聞 ⤵️
林漪娸重提戴志偉拍咀戲伸脷 稱事隔多年只當講笑說出來丨回應戴志偉「2 秒論」 指鏡頭後「唔止2秒」丨黑妹李麗霞未聞米雪投訴被「抽水」丨田木集作
