有「金牌製片」之稱的資深電影人施南生於7月13日晚上20:51於養和醫院安詳辭世，終年75歲。
其前夫徐克接近凌晨時份在醫院外接受傳媒訪問，一險倦容及神情哀傷的他表示：「施南生2022年開始，身體嘅免疫能力衰退，所以一直都用頑強生命力同病魔對抗，直到最近佢身體免疫能力嚴重衰退，病毒嚴重感染佢身體，令到好多器官都衰竭，所以入院之前，佢一直堅持到生命最後一刻，有佢嘅親朋戚友，同埋家人陪伴下安詳離開，告別大家。」
徐克又謂，施南生和家人一直都好感激大家對她的關注、支持及祝福，「佢希望大家對佢嘅離別，嗰種難過及思念，變做力量同溫暖，接受佢嘅告別！希望佢安息，同埋精神永遠同我哋一齊，多謝！」
施南生最後一次公開露面，是5月14日出席資深電影人好友谷薇麗的喪禮，而當日她已經撐着拐杖，以及要外傭在旁攙扶，上樓梯亦有點吃力。
