面對動物生死，如何能夠坦然面對？
由一群愛護動物義工組成的「浪浪送行者」，幾乎每日都要面對生死，甚至是肢離破碎的流浪貓狗遺體；傷感、悲哀，但為何仍然繼續原因？正是因為傷感，因為悲哀，不忍見到這群被稱為「浪浪」的流浪貓狗，意外離世後淪為法例所定義的「垃圾」，遺體只能被送到堆填區「下葬」。
雖然，出發點是想為離世浪浪做點事，但經常要面對血肉模糊的意外現場，一眾浪浪送行者，是如何克服各種心理關口？義工之一的Kurt表示：「當你見到嘅時候，就自自然然會去做，你唔會諗咁多，只會知道當初佢都係一個生命。」
訪問當日，記者與幾位義工阿峰、Kurt及Nic一同On Call，幸好整個晚上都未有收到求助電話，聽起來似是好事，因為沒有求助，即是沒有浪浪出意外？幾位送行者卻有點擔憂，阿峰解釋說：「當然最好梗係希望真係冇浪浪發生意外啦，但係我哋另一方面又會諗，係咪有浪浪出咗意外冇人見到？咁佢咪會繼續被輾過？呢個心情真係好矛盾。」阿峰更指，為了平衡自己情緒，每當見到活生生的毛孩時，都會貪婪地多摸幾下。
「浪浪送行者」求助電話（24小時）： 65111147 61761302 56688606
認識「浪浪送行者」： https://www.facebook.com/protectstray…
