MC張天賦推出新歌《男人怎可以》，班底由《抽》原班人馬再度合作，包括陳考威及AP潘宇謙作曲、甄敏延填詞、黃兆銘編曲，以及陳考威監製。MV方面，找來金像獎「最佳新演員」鄧濤演女主角，兩人當中演出又愛又恨；難捨難離的感覺，MC的演技更獲鄧濤讚賞。
提及拍攝MV的趣事，MC搶先爆料：「喺第一日拍攝嘅時候，我哋有個抌電話嘅場面，我懷疑佢懷恨在心好耐，佢真係向住我個頭嚟抌！」鄧濤聞言立即掩面大笑解釋：「我唔係向住你個頭抌，係唔小心揩到！」MC笑言其實是小事，電話只是擦過，不過已順勢向唱片公司「請病假」！
首次與實力新演員對戲，MC可有壓力？他說自己對演戲一無所知，很多時候要依靠對手「接戲」，很感謝有鄧濤「接住」，讓MV拍攝非常順利，鄧濤亦笑說：「MC演技非常出眾、出類拔萃啦。」MC聞言即幽默回應：「你演戲架，你演得好啲講得有說服力啲！」
相關新聞：
專訪丨MC張天賦開五場紅館《E=MC² 演唱會2026》超緊張 習慣不留力最怕爛聲丨憶三年前壓力大引爆出場恐懼症 現學懂把緊張轉化為能量丨30歲前To Do List 最想滑雪滑浪坐熱汽球丨田木集作
