KaHo 洪嘉豪 2026 年全新專輯《KIKI》以「雜誌」為核心概念，將每波主打歌化作不同的特色專欄。雜誌 vol.2 日前推出，同時新歌《一筆滿意》亦面世。今次新歌由 mue、Matt Chow 及 JONO 聯手作曲、鍾說填詞、JONO 編曲，並找來 Kiri T 任監製，而 Kiri T 更客串做 MV 女主角。
Kiri 與 KaHo 合作後，指對方很有潛質做喜劇，而 KaHo 亦「回禮」，笑說 Kiri T 好戲到自己都唔信，「一 cut 機大家都讚好，佢自己都唔信，要相信自己！」今次 MV 還找來一隻可愛小狗客串，Kiri T 大讚狗狗布冧非常乖巧聽話，雖然只有一歲半，但已在鏡頭面前超級淡定，非常聰明，直言好想帶佢返屋企！
而 KaHo 雖然不太熟悉小動物，但也指布冧屬於冷靜派，較容易控制到小狗，加上拍攝當日布冧主人也在場陪同，故拍攝非常順利。不過，氹得 KaHo 最開心，當然是等埋位期間，大家叫布冧如果覺得 KaHo 靚仔就吠一聲，結果 布冧真的照做，令 KaHo 開心到拍掌。
對於歌曲概念，嘉豪想分享男孩在準備赴約前小鹿亂撞的心情，也認為化妝不再只是女仔的專利：「依家男仔都好興會有輕微嘅化妝修飾一下，有時候我又明白，會擔心外界覺得男仔化妝好誇張，但係我覺得你鍾意就去做啦！」
