Jeremy李駿傑@MIRROR全新單曲《半》為展示兩極、相對的意念。有「妖味擔當」之稱的Jeremy，接受「田木集作」專訪時亦有講到新歌MV，大玩血腥及暴力元素。他說：「對比MIRROR以往同埋其他成員嘅歌曲，屬於黑暗啲，血腥啲同暴力少少嘅，但就好符合首歌嘅感覺，造型上亦有新嘗試，獨特眼妝係畫咗一對翼嘅白色眼線、搽黑、紅色指甲油，帶出一個『黑暗Jeremy』給大家。」
MV請來獲今屆金像獎女配角雙提名的廖子妤（Fish）擔任女主角，兩人首度合作，Jeremy說：「當日去到Fish已經拍緊，見佢抹緊地下啲血，嗰日仲要好凍，佢着一件好薄嘅衫，佢好尊業，幾凍都好，都要做好件事，好佩服佢。」
Jeremy續指自己跟Fish不算太多對手戲，但都有面貼面鏡頭，因為想表達他們是同一個人的感覺。當中血腥、情慾、殺人鏡頭由Fish來演繹，Jeremy感激Fish做女主角：「因為佢做得好好，將成件事做得非常好，佢拍MV嗰日咁啱金像獎公佈入圍，佢有兩個女配獎入圍，嘩，竟然有咁勁嘅女演員做我MV女主角。」
講到MV點擊量亦是焦點之一，就如Ian的新歌29小時便破百萬點擊，Jeremy表示:「呢方面係好戥佢哋開心，亦唔會覺得好大壓力，每個人做緊自己鍾意嘅事，有大家愛戴同支持係應該，佢哋有呢個成績係應該開心，而唔係為咗要超越佢，每個人行嘅路唔同，步伐唔一樣，冇得比較，只要衷心鍾意首歌MV就得。」對自己新歌的評價，Jeremy說給自己100分，要給自己多點自信，亦相信歌迷會和他一樣喜歡《半》這首歌。
場地：212 Studio
服飾：Versace
Hair：Man Chan @ Chic Private I Salon
Makeup：Rainbow Chung @Annie G. Chan Makeup Centre
