范卓賢Jacky Fan 2月加盟MakerVille後，短短數月已推出第三首單曲《三尖八角》；新歌再次由Jacky Fan親自作曲，聯同黃偉文（Wyman）填詞、Justin Yau編曲、徐浩監製。Jacky透露，歌名靈感來自Wyman：「好多謝Wyman填咗呢份詞畀我，因為當中嘅描述同我嘅性格好雷同，我都覺得自己係一個『三尖八角』、喺人眼中唔容易相處嘅人，因為好多時候，喺討好別人同選擇做自己之間，我都選擇咗後者。」
新歌MV中，Jacky扮演一名「車房仔」，並邀得他近期極欣賞、在電影《夜王》飾演「葵芳」的蔡蕙琪（阿Kay）擔任女主角，兩人飾演車房同事，故事講他對阿Kay產生微妙感覺，卻發現常有型男駕駛名車接送她，後來更揭發男方已有家室，正室還上門大鬧，而Jacky為保護阿Kay揮拳痛打賤男，最終換來一頓打邊爐，兩人還差點接吻，可惜Jacky慘遭「食檸檬」。
Jacky透露，該場打邊爐飲啤酒戲份，因沒為意杯子放在爐邊被燒熱，當正式拍攝要拿杯飲時，才發覺杯邊已被燙熱，「因為roll咗機，又冇諗到隻杯係咁熱，最終辣到嘴唇腫起，幸得化妝師以美容儀即場降溫，得以完成拍攝。」但他覺得今次拍攝好玩，第一次可以在車底「碌來碌去」，「有一場要瞓車底整車，望住個車架有啲壓迫感，匿入去之前仲要睇吓個架實唔實淨。」同時因劇情要他幫阿Kay抹眼淚，Jacky 設定了角色是個笨拙直男，怎知抹淚後被導演笑太粗魯對女生。
