昨日網上流傳一段車cam片，疑似是呂方與Call車司機發生爭執，二人互相爆粗「問候」，最後司機更人生攻擊，大聲駡道：「死矮仔！哦！我認得你，呂方吖嘛！」疑是呂方亦不甘示弱，離開車廂後仍嬲爆說：「我記X住你車牌！你死X梗！」
片段開始時，疑是呂方的乘客問司機：「你跟導航？」司機表示：「咁我係跟導航吖嘛，你到咗…你自己睇吓，你唔啱可以投訴，睇吓我係咪跟導航？」疑是呂方最初仍沉着氣說：「我知，你前少少吖，392號。」但司機卻表示前少少不能停車，疑是呂方即表示：「嘩！你咁樣做生意都得㗎？你咁都得？392號，呢度唔係，呢度3百幾…」司機接着都有再把車駛前，但就表示要趕着接一單生意，停車並催促他下車，「我唔知呀，我冇可能同你搵呀大佬！要搵食吖嘛大佬……」此事，疑似呂方情緒突然變得激動，大聲喝停司機說：「細聲啲！細聲啲！你細聲啲！你唔好X嘈呀！未到吖嘛！點樣到咗呀！392號嘛！」
被疑是呂方喝駡叫「細聲啲」的司機，情緒亦開始繼續激動，不停表示自己只是跟定位，被質疑他的導航地址是錯時回答：「我唔知喎！」疑似呂方就一邊落車，一邊叫他「喫屎」，及後因再說了一句「X 你老母」，司機隨即激動反擊，大駡他「死矮仔」，望清楚對方樣子後便說：「哦！我記得你！X你老X！呂方呀！X你老X！」疑是呂方則說：「得！我記 X 住你車牌！你死X梗！」影片隨着司機開車駛離結束。
