鄭秀文（Sammi）首晚啟德主場館「答謝會」造型性感多變，白色Deep-V背心後，換上火紅色吊帶裙，唱出《衝動點唱》、《缺席》、《Let Go》、《我們都是這樣長大的》以及新歌《隕石與地球》，隨後穿上白色小背心，再次炒熱舞台，以 Dance Medley 唱出多首經典快歌，與舞蹈員在台上施展渾身解數，令台下氣氛High爆。
Sammi 唱畢《如果我們不再見》後返回後台，全場觀眾不捨離開，瘋狂大叫Encore，Sammi 換上白色喱士紅色玫瑰花傘裙，再度現身舞台上唱《終身美麗》，Sammi 說：「再一次多謝每一位入場嘅觀眾，包容我哋延遲嘅演唱會，亦都今晚依然繼續入場支持，喺完全唔知道有咩內容，你都咁包容入場支持我，同埋我團隊，我嘅公司，我衷心多謝每位入場觀眾，多謝你哋，呢個場館再大，都及唔上你哋嘅包容，同埋你哋嘅支持，Sammi 我好感動。」
Sammi 續謂：「餘下仲有兩晚，我會好好咁樣去答謝餘下兩晚嘅觀眾，今晚短短哋一個半小時嘅騷，你哋滿唔滿意呀？多謝你哋，不過呢個只係我哋演唱會嘅前奏曲咁，真正嘅演唱會，將會有好豐富、好豐富同埋好大型嘅製作，如果你哋覺得今晚好睇嘅話，我相信到時真正演唱會一定唔會你哋失望，多謝你哋等待。」
最後，Sammi 請全場觀眾要「乖乖離開」，「你哋嗌 encore 我都唔可以返出嚟，唔係我就會犯咗規例，因為呢度場館有場館個規矩，咁希望大家今晚喺住先，呢一個答謝會，希望你哋滿意啦！」 之後全場觀眾一齊揮動螢光捧和Sammi和唱《終身美麗》至最後一句，Sammi亦連聲說「多謝」，而原定1.5小時的演唱，最終 1小時40分才結束。
頭場歌單：
1. 叮噹
2. Chotto等等
3. 默契
4. 醫生與我
5. 嘉賓：劉德華《倒轉地球》
6. 衝動點唱
7. 隕石與地球
8. 缺席
9. Let Go
10. 我們都是這樣長大的
11. Dance Medley：煞科/獨家試唱/螢光粉紅/星秀傳說
12. 信者得愛
13. 上帝早已預備
14. 不要驚動愛情
15. 如果我們不再見
16. 終身美麗
相關新聞 ⤵️
Sammi 鄭秀文啟德主場館演唱會延期 一連三晚改開《You & Mi答謝會》丨劉德華驚喜現身首場任嘉賓唱《倒轉地球》丨田木集作
