Jay Fung 馮允謙日前推出首張全英文歌專輯《ANOTHER SHADE OF BLUE》，並在黃埔 TIDES 舉行 Music Live，與近千歌迷分享新碟所有作品，以及他私心英文歌單；Jay以結他自彈自唱，慢歌時emo到不行，唱開心快歌時就勁風騷，又扮唱片封面側面問 Fans：「靚唔靚仔？」又突然落台握手派心派飛吻，完場前再與全場大合唱《How Many Times》。
音樂會全企位，觀眾一邊聽歌一邊跟 Jay Fung 音樂左右擺舞，捧場嘉賓有來自法國的唱作女歌手Joyce Jonathan、老友梁釗峰、師妹雲浩影（Cloud）、盧慧敏（Amy Lo)、師弟藍奕持（Lester），以及分別在《See Through Ya》和《Break Me Down》MV擔任女主角的「Jay女郎」坂部佩莎和王靖瑩（Charlie）等。
Jay出場以結他自彈自唱《Break Your Heart》、《Close to the Edge》、《She Don’t Love Me Anymore》和《See Through Ya》等作品，之後他沾沾地說：「今次有啲威，呢張碟嘅曲和詞都係你哋最喜愛嘅我寫。」他坦言在香港做英文歌並不容易，感恩公司和Fans支持，夢想成真推出英文碟並舉行英文歌音樂會。他又感謝Band Leader蘇道哲和一眾樂手，還有與他一同創作碟內部份歌曲的孖生細佬Tim，但爆料笑指細佬掛住拍拖甩底。騷後Jay與部份買碟的Fans逐一合照留念。
Jay Fung 表示：「人生第一個英文歌音樂會，可能係英文要求自己要唱得更好。雖然今日把聲有少少沙，但係喺個台上玩得好開心，希望所有觀眾都好enjoy。」除了新碟作品，Jay Fung 特別挑選演唱對他別具意義的英文歌，其中包括電影《Closer》（誘心人）主題曲《Blower’s Daughter》，他說：「呢首歌由我High School時候聽，係一部電影主題曲，特別有feel，一直好想喺自己嘅騷唱到。」最後，Jay Fung 還透露會推出「彩膠」，他說：「我啱啱知道，好開心，我希望係淺藍色。」
