陳蕾今年3月完成四場香港演唱會，六月將首度登陸倫敦，以全新主題巡演《完整的我》。這次演出以最新專輯《凝》為核心，對於首次於倫敦演出，陳蕾直言驚喜並非重點：「我未必會揀一啲大家意想不到嘅cover，因為第一次嚟倫敦開音樂會，我好想盡量帶一啲耳熟能詳、大家最期待嘅歌曲，希望全部都可以喺今次唱比大家聽。」
演唱會於6月5日舉行，在英國正式官宣之前，宣傳團隊特意在倫敦舉行一場別具心思的pre-launch預熱活動，邀請了當地著名街頭藝人Valentine The Statue，於Covent Garden手持一塊印有《凡星》歌詞「誰都可發光，只要找對地方」的紙牌進行無聲表演，寓意陳蕾即將登陸英國；同時歌詞正正是街頭藝人的寫照，路邊就是他們發光的舞台。
陳蕾得知後感動說：「見到佢拎住嗰句歌詞，第一個感覺真係好驚訝同感動。好多朋友都有Send俾我睇，佢仲要係盲人，而且揀咗《凡星》裡面我覺得最有意思嘅一句。希望喺倫敦見到呢塊牌、識中文嘅朋友，都可以帶到一份力量俾佢哋。」
被問及倫敦站後會否延伸至更多城市，陳蕾坦言收到各地樂迷訴求，包括多倫多、加拿大、新加坡及馬來西亞等廣東歌及華語音樂市場。「但我畢竟冇英文歌，唔夠膽走太遠住，會保守啲，去華人多嘅地方先。」
