姊弟戀修成正果 蔡卓妍宣布已嫁健身教練林俊賢
現年43歲的蔡卓妍（阿Sa）去年傳出與年輕10歲的健身教練林俊賢（Elvis）相戀，今年年初阿Sa正式認愛，並叫大家可把「緋聞男友」的緋聞兩字刪去。說時遲那時快，今日（28/4）阿Sa與Elvis同時在社交平台公布已婚喜訊，當中並附上一張兩人穿上婚紗禮服，大曬婚戒的照片。阿Sa與Elvis分別在社交平台寫道：「恭喜我嫁你、恭喜你娶我，以後請多多指教。」
阿嬌催盡快生B 關智斌稱好感動
隨着一對新人官宣已婚，阿Sa經理人霍汶希（Mani）回應傳媒查詢時表示：「當日所有最愛佢嘅人、最close的摯愛親朋包括我，都喺現場見証。其他唔方便透露。多謝大家嘅祝福，阿Sa一直都被好多人疼愛，亦都會愈嚟愈幸福。」而其好拍檔兼好友鍾欣潼（阿嬌）則說：「恭喜我個最佳拍檔，好開心係生活中佢終於搵到一個最佳拍檔！由第一日聽佢同我講，我就好激動好感動，而家講返都係好感動，祝佢哋新婚快樂！白頭到老永結同心，快d生個bb啦。」關智斌：「見到佢行入人生新階段，我真係打從心底裏戥佢開心。我哋識咗廿幾年，一齊經歷過咁多高高低低，睇住大家成長，而家見到佢搵到一個可以令佢開懷大笑、畀到安全感佢嘅人，我真係好感觸、好感動。我會將最好嘅祝福全部送晒俾佢，希望佢哋一直幸福落去。」
感情路不平坦
過去阿Sa的感情路不算平坦，2010年與鄭中基宣布結束4年婚姻，其後曾與陳偉霆發展五年姊弟戀，接着有「富三代」石恆聰，未料兩人於2023年分手收手，因此如今阿Sa找到真命天子，大家都替她開心。
