古天樂於昨晚（1/5）ViuTV新集《IT狗2.0》驚喜現身，飾演「綿登主腦」綿住尼，與凌文龍飾演的葉念信在酒店會面及談判，網民嗌大癲！
昨晚播出第五集，劇情講到阿信在酒店與綿住尼見面一刻，被嚇到跌坐在梳化，口窒窒咁話：「龍…..項少龍？」然後綿住尼就好大殺氣反問：「你就係葉念信？聽講你得罪咗綿登喎！」葉念信隨即反駁他說：「係佢哋搞我哋先㗎！」但綿住尼就話：「你有你做支付平台，佢有佢做論壇，關你咩事啫！我話你聽呀，綿登唔到你亂嚟，如果唔係命都無呀！」聽完嬲嬲地嘅葉念信即問：「你係綿住尼？（我係綿住尼？我係龍捲風呀！）我係信一添呀！（你係信狗呀！）」一人一句，火藥味十足！不過，劇情以外的劇迷就睇得相當開心，因為太耐無見過古生在電視劇出現。
