鄭秀文Sammi一連三晚《You & Mi 答謝會》昨晚（12/7）順利完成，Sammi完騷受訪時表示，特別要多謝劉德華及黃子華到來，指華仔本來是去睇騷，但最後變成做嘉賓睇少半場，而子華則拍完通宵戲，仍為她準備這麼多。笑問她為何不多謝老公許志安？Sammi即笑言：「都多謝！」
講到今次短時間內決定開答謝會，Sammi指因為不想已購票的觀眾失望，因為有些人可能改期真的睇唔到。有指答謝會相當揼本，Sammi亦說：「都係㗎，又換車，真係不惜工本，喺有限資源做到最極限，我聽到好多觀眾話，呢個咪一個正常嘅騷？我話唔係，原先個騷真係預備咗好多好多內容。但原來大家都接受我做啲簡單嘅騷，我覺得好似開拓咗另外一啲眼光，有時做吓呢啲咁簡單都好。」
問到打算何時補開？Sammi坦言未知道，但她都希望愈快愈好，自己希望可以在一年內，不要隔太耐。她又謂三場答謝會完結後便會投入其他工作。
足本訪問內容 請到YouTube睇片 🔴
相關新聞 ⤵️
You & Mi 答謝會丨Sammi 鄭秀文為演唱會準備積極健身 成功增磅讚自己好索兼「升Cup」要買新Bra丨田木集作
