方力申一連兩場紅館《方力申Perfect Moment 最佳時間演唱會》昨晚（15/5）開鑼。除了父母現身捧場，老婆葉萱還手抱女兒Isla到場，Isla戴埋耳筒及小黑超出現，十分可愛。捧場嘉賓則有尹光、蔡潔、小肥、Bob林盛斌、蘇永康、劉浩龍等人。
小方以當年其中一首代表作《就是這麼愛你》為演唱會揭開序幕，與現場觀眾打招呼後，小方說：「10幾、20年嘅紅館夢，我無諗過自己入咗行26年可以實現到，喺爸爸、媽媽、細佬、太太、我個女，仲有我契媽、契仔契女嘅面前，見證住我人生最佳時刻，更加要多謝你哋送咗呢份最佳禮物畀我，多謝！」
演唱會前，小方曾表示努力排舞之餘，亦有積極操肌，演唱會正式舉行當然要展示一下成績，他與台上舞蹈員勁歌熱舞期間，他忽然把白色背心脫除去，露出肚闊胸肌。不過，唱罷後他站在性感舞蹈員身旁顯得渾身不自然，還笑言：「我結咗婚㗎喇，我唔敢望你哋，踩台先見到佢哋着成咁，你哋快啲落去啦！」
演出嘉賓方面，小方邀請了當年主演的電視版《百分百感覺》幾位拍檔陳曉東、周勵淇及李彩華擔任嘉賓，四人先合唱劇集主題曲《兩男一女》，然後再合唱《十分愛》。另外與鄭中基、梁漢文以「美女廚房」配搭合唱《龍咁威》。而另一位重量級嘉賓是Kelly陳慧琳，小方與Kelly先合唱《好心好報》，接着再加上鄧建明，三人合唱《紀念日》。
方力申紅館演唱會尾場前傷腰即時急救 講明跳唔到都照除衫丨首場孖鄭中基 & 梁漢文重組《美女廚房》丨周勵淇 & 李彩華 & 陳曉東《百分百感覺》班底再聚丨田木集作
