農夫第二場《全香港最好笑嘅演唱會》演唱會昨晚（9/5）舉行，尾聲當觀眾以為唱完最尾一首歌《高舉隻手》後完場，農夫卻再度殺大家一個措手不及，原來兩人邀請了公司「農作天下」老闆古天樂任嘉賓，一齊在台上切燒豬，令大家嘩聲四起，農夫更形容古老闆為黑武士。
大螢幕出現「農作天下」開將盛典字句後，陸永、C君向觀眾表示：「你哋有冇發覺？農作天下，點解有『天下』兩個字？So fa So Cool，又有個 『Cool』字？我哋公司之前未公開做過開張大典，好似有啲嘢未完成，係今日咁開心嘅時刻，不如我哋全場一齊做一個開張儀式好唔好？有請我哋公司國際榮譽霸道總裁……」當舞台大門打開，古天樂步出來時，全場觀眾即時站起來歡呼，幾乎叫裂個紅館。
古天樂上台大讚觀眾氣氛一流，幾乎全程站着睇騷，笑言：「我諗呢樣嘢係咁解：乜嘢叫棟篤笑？你哋帶畀佢哋歡樂，佢哋今日棟篤喺度支持你哋。」陸永即取笑老闆：「 我懷疑你呢段度咗三個禮拜，哈哈…..」C君： 「拯救一間公司可能要白武士，但投資一間公司就要黑武士。多謝古老闆！老闆你驚唔驚我哋叫你嚟投資，將會係一個世紀大騙局？哈哈…..」古天樂就說：「多多支持，多多指教，今日香港需要開心歡樂！」三人在台上砌豬後，再大合唱 《天命最高》。
