草蜢慶祝入行40周年，由4月26日起至5月3日合共舉行七場《草蜢 THREE IN LOVE 演唱會2026》，三子早已預告每場都會有重量級嘉賓現身，繼首場邀來Eason陳奕迅及第二場Kelly陳慧琳，昨晚（29/4）則有古天樂驚喜現身。草蜢跳唱《華麗舞台》後，即響起《天命最高》前奏，古天樂穿著紫色西裝外套和太陽眼鏡升上舞台。四人合唱後，在電影版《尋秦記》飾演忠臣「萬良」的蔡一智笑說：「『項少龍』你穿越咗嚟紅館咩？我係『萬良』，介紹兩個人你識，（指住蔡一傑）呢個係『千良』，（指住蘇志威）呢個係『百良』！」蘇志威說：「我係『萬子』！」古天樂立即以最新身份自我介紹，說：「我係『玉子漢堡』嘅『將軍』！」全場爆笑。
與三子合唱合唱《天命最高》《好戲在後頭》；接着古仔更帶頭清唱33年前，他為草蜢歌曲拍MV的作品《原諒我是我》。之後蔡一智攞出禮物送他，「知你最近整親隻眼，成日戴眼鏡，但一般眼鏡遮光唔夠好，送一副遮光好勁嘅畀你。」然後拿出一副疑似燒焊工業用的綠色眼罩，古天樂說：「你哋覺得係燒焊用，我睇到化幻片角色，綠魔人用！」
此外，昨晚傑仔獨唱《流淚的背影》和《失樂園》後，向觀眾分享治療期間遇到的感人故事，說：「有一日坐住輪椅去到照PET Scan（正電子素描）間房，我必須要起身自己行去張床度。突然一位醫護人員走埋嚟扶我，佢話『你俾我扶你入去』，我話唔使，但佢堅持，我問點解？佢話『你唱嘅歌喺呢幾十年陪我走過高山低谷，你今日呢段路就讓我扶你行。』嗰一剎那我好溫暖，感覺好有愛。」
傑仔深深被感動，說：「原來我唱咁耐歌都唔知道，陪住大家走過不同嘅歲月。相反，你哋何嘗唔係陪住我一齊走過高山低谷呢？人生起起跌跌，記住，面對逆境要保持鎮定，正能量，fight低佢！明唔明？大家做唔做得到？」觀眾高呼「做到」。他續說：「正能量係好重要，接下來呢首歌係我嘅心聲，我作曲填詞，留意歌詞，『快樂』好重要！」然後他演唱《及時行樂》，看到觀眾席上有乳癌復發的吳文忻坐在第一行，傑仔即走上前擁吻她以示支持。
▶️ 足本內容 請到YouTube睇片
