農夫昨晚（9/5）舉行《農夫香港最好笑嘅演唱會》，吸引大批圈中好友捧場，包括：MIRROR成員江𤒹生（AK）、Alton、樂隊Color Day、Error成員193及肥仔、視后江美儀、高海寧、湯令山、洪家豪及Tyson Yoshi等。而MC張天賦則是表演嘉賓。
MC一出場，全場即時尖叫，三人首度同台合唱經典金曲《學海無涯》。MC的在無提詞機下一字不漏地完整Rap出整首《學海無涯》，唱畢農夫笑指請MC因為全香港只得他一個敢叫MC，名字勁Hip Hop！陸永說：「大家有無留意？我真係未見過有嘉賓可以Rap咁多，佢要求唔要提詞機。佢真係識我哋啲歌，我好肯定佢識過你地(觀眾) 。」MC即表示：「 因為你哋話唱《學海無涯》，我就…….」陸永即搶答 :「 就開始背喇。哈哈！」
MC續謂：「我真係細細個聽你哋啲歌大㗎！最早期我聽《我的野蠻女友》《奇蹟》，《韓國勁舞權》仲有《十年人事》、《十七年華》….好多好多。細個溫書嗰陣，我聽已經係 DSE啦，我記得嗰時仲係小學，唔用正途去下載音樂，放入MP3入面聽㗎！你哋係我人生list上面其中一組人，我好希望可以嚟到你哋演唱會做嘉賓。係人都知，我做任何演唱會最緊要一定要提詞機，但今日我覺得——你哋啲歌，如果我背唔到，就唔配上嚟做嘉賓！真㗎！所以我今日真係好開心，好少我做嘉賓係冇壓力㗎，呢度真係好歡天喜地。」
