音樂劇《大象的告別式2.0》昨晚（12/6）在東九文化中心劇院首演。Jeremy李駿傑與強尼完騷後受訪，眼腫腫的Jeremy指自己差不多喊足20分鐘，加上下午又喊過，所以眼腫都好正常，但今日只是首場，所以之後仲要喊。
強尼則表示，演出可同時學習邊喊邊唱歌，又指今次劇本相比上次改動了不少，感覺像重新經歷一個故事。講到有不少台下觀眾喊，Jeremy即表示見到觀眾攞紙巾有成功感，而強尼說自己今次比上次少留意，因為今次企位比較後，之前一次較前，就連台下觀眾開拉鏈攞紙巾的聲音都能聽到。
問Jeremy如何抽離角色？他即笑言：「我而家咪抽離咗囉！雖然我眼腫，但已經抽離咗！」他又指自己感覺不太緊張，但身體又好似有點緊張，因騷前一個早上醒了就瞓唔返！問他給自己表現多少分？Jeremy說一定有進步空間，但也給予自己8分，笑指今次對自己好高評價，又覺得觀眾的反應好正，感受跟開演唱會不同！有指花姐好支持他，在旁的花姐亦自爆有喊，Jeremy就形容她是容易受傷的女人。 至於Jeremy髮色變了久違了的黑色，他說除了因為演出音樂劇，亦是為了配合新歌，他說自己已有久未試過黑髮，覺得好有新鮮感及感覺自己「鋒利咗」。
講到強尼的服裝，他笑稱在演藝生涯中，今次都算幾性感，笑言好難着衫都性感，是性感在⻣子裏。問他可有健身？他說因為衫比較窄，怕健身穿不下。另外，問強尼今次有否安排兒子入場？他說兒子撞正要考試，所以無暇捧場，所以希望可有演出機會，那麼兒子便可以看。
足本訪問內容 請到YouTube睇片 ▶️
相關新聞 ⤵️
