陳柏宇（Jason）將於7月18日至20日於紅館舉行《Jason Chan Live in Frames 20 週年演唱會》，雖然忙於準備個唱，但騷前仍繼續出新歌《舊酒新瓶》；而新歌更是呼應Jason接近20年前的作品《永久保存》，是一首特意創作的續集之作。
新歌MV出動Jason一家四口一同演出，當日他與老婆 Leanne與兩位女兒 Abigail 和 Audrey齊往梅窩拍攝，「陳氏家族」實行寓工作於家庭樂。Leanne表示：「幾開心可以一家四口一齊拍嘢，圓滿呀！」Jason更直呼「無憾！」
憶述7年前老婆參演《認真如初》MV，Jason竟即場玩命笑稱：「當時你係以一隻『豬』嘅身份出現，今次以一個靚女嘅身份出現，有咩感覺呀？」Leanne 馬上問：「即係你當時睇我係一隻豬咁？你又話我唔肥嘅！」嚇得Jason馬上「補鑊」解釋：「咁豬都有分肥瘦，你係一隻瘦嘅豬！」
問到兩位女兒在MV中的表現，Leanne讚賞的同時，亦笑指大女Abi有主見，Jason聞言笑說：「佢直頭想坐埋導演個位！」至於細女 Audrey，Leanne認為她表現自然，Jason大讚：「對比《可靠我》MV，Audrey進步非常之大，因為上次拍MV佢仲未識講嘢，今次拍攝對佢嚟講係一個好好嘅經驗！」
