COLLAR成員蘇雅琳（Ivy So），繼之前推出處女作《給你一隻大口仔》後，昨日（28/5）再推出全新情歌《原地拖手》，當中演繹暗戀的情懷及心情。MV邀請了正式進軍樂壇，同在今年推出了個人單曲的港隊「劍神」蔡俊彥（Ryan）上陣客串。
談到Ryan客串，Ivy表示：「其實同 Ryan上星期先認識，幾開心，大家都係26年嘅新人，平時都有留意對方，好開心可以合作，我話畀阿媽知同Ryan合作，阿媽都好開心。平時電視見到佢，同現實見到佢有啲唔同，佢平時做媒體訪問好搞笑、好直接，現實見佢，反而有啲內斂，幾cute。」
新歌找來舒文監製、吳林峰作曲，歌詞則由Ivy親自操刀，「其實呢首歌好大部分idea係嚟自舒文，方向上係佢觀察嘅我，因為我星座係獅子座、月亮星座係水秤座，佢覺得我個人應該幾『跳』，事實都係，我喺屋企會做啲好奇怪嘅嘢。而家首歌變成一個女仔去暗戀一個男仔所諗嘅古靈精怪嘢，胡思亂想，有啲心動，又有啲覺得自己諗太多，好矛盾嘅狀態。」
問到現實可有曾暗戀他人？Ivy大方地說：「梗係有！小學暗戀過一個孖仔嘅哥哥，佢係足球隊隊長，好charm，不過升中之後就冇見。」
相關新聞：
COLLAR兩成員單飛出歌 IvySo蘇雅琳親自填詞私藏彩蛋 丨Candy王家晴搵Wyman助陣 一個人拍MV超緊張丨田木集作
