Philip陳欣健出自傳丨許冠文形容Philip浪漫又感性 完全唔啱做警察丨Philip自爆曾為阿姐心動丨阿姐指甲狀腺出問題因食錯藥丨田木集作

陳欣健Philip今日在會展舉行自傳《我的風雲往事》分享會，除了有劉天蘭任主持，好友許冠文及汪明荃亦有現身支持。講到三人的相識，Philip指他與許冠文都是讀喇沙，而與阿姐由梁舜燕介紹認識，更自爆當年曾為阿姐心動，但覺得對方值得有個更好的，阿姐則反爆Philip是很多女仔仰慕對象。

當年陳欣健離開警隊加入娛樂圈，原來與許冠文亦有關係。許冠文表示：「有一晚佢去我屋企食飯，佢話自己其實無興趣做警察，想加入娛樂圈，問我得唔！其實佢係一個人浪漫又感性嘅人，我一直都覺得佢性格唔啱做警察。」Philip則說：「佢話如果有一日我冇嘢撈養我一世，佢真係做得到，我冇嘢撈佢搵咗我拍《神探朱古力》同《新半斤八兩》，但之後佢話唔怕笑片，去咗拍《破地獄》。」

Philip的自傳寫到1976年，即他離開警隊的時候，他笑言：「上天給自己長壽，又有咁多好朋友，一定係無免費午餐，所以要寫自傳，希望將自己一生說出來，當中或者有啲嘢可以令人有啟發，從而幫助到人，不過我又驚死，怕任務完成，上帝叫我Join埋阿梅（梅艷芳）、羅文、Danny Chan（陳百強）， 所以我就寫上下集。」不過，Philip指自己寫自傳一定不會消費朋友，因為自己做電台又做唱片公司，已經好多內容可以講。

另外，阿姐早前疑甲狀腺出狀況，她說只是自己食藥的份量，有時記錯食多了，現在調節好已經沒有問題。她又指家英哥今年都有出自傳，所以明天也要到書展支持他。問他可書中可有提到她？阿姐說沒有看過書的內容，不知道他寫了甚麼，但相信內容都好豐富。