黃秋生今日（15/7）現身灣仔演藝學院，出席恩師King Sir鍾景輝的追思會，秋生離開時接受傳媒訪問，形容 King Sir 是他大恩人，又指當日沒有對方，自己今日便不會存在。問他有沒有被King Sir鬧過？他即笑言：「我沒有，但我哋有！」他指當㒲因為要辦學生會，結果激嬲King Sir，對着大家3分幾鐘沒有說話，然後說了一句：「你哋鍾意點就點啦！」便離開了。問秋生最記得King Sir那一句說話，他又笑說：「咪就係『你鍾意點就點啦！』」
被King Sir懷疑出貓
秋生又謂，令他最難忘是當年他有一科未考，但King Sir表示「一科唔及格都唔可以畢業」，於是他便要溫書補考，便向全班最勤力的張達明借來厚如字典的筆記溫習，讀完第一頁就讀第二頁，之後又第一頁、第二頁、第三頁去讀，補考當天由King Sir 秘書監考，秋生看見試卷只有一頁紙，內容就是他讀得最熟的「第一頁」，於是僅花五分鐘便做完。他笑謂：「過咗兩日秘書打畀我𠵱𠵱哦哦話King Sir有嘢想問我，我就問佢係咪想問我有無『出貓』，秘書就話係囉係囉，我都知無㗎喇，你喺我前面，我就話咁咪係囉，因為你係第一頁，我讀咗成個禮拜都係第一頁，於是就攞100分畢業。」
澄清無意永久離港
工作方面，秋生說稍後會到8月去日本、 9月馬來西亞、10月加拿大及11月韓國，他說自己沒有說過會永久離開香港住，只是離開香港住，會回來瞓覺及「使錢」，幫助香港經濟，講到韓國電影，他說角色好精彩、因為一句對白都沒有，但要曬腹肌先大鑊。
足本訪問內容 請到YouTube睇片 🔴
相關新聞 ⤵️
