楊詩敏（蝦頭）與譚偉權（Gary哥哥）共同創作的全新舞台劇音樂騷《唔妥你還是愛你》，昨日（10/7）起在香港藝術中心壽臣劇院演出13場，一眾台前幕後進行拜神儀式，祈求一切順利。
蝦頭與Gary哥哥在開騷前表示心情興奮又緊張，蝦頭說：「我哋上次一齊演出是2000年，足足隔咗26年先再一次有機會再合作，所以大家都好珍惜，我覺得好有福氣。」劇中二人扮鬼扮馬，展現驚喜演技，當中Speed dating部份，玩盡香港廣東歌歌詞。而Gary哥哥坦言今次演出是一項挑戰，因為要在短時間內換衫、換角色，蝦頭則笑言：「我要變聲、轉聲，經過今次發現，我原來自己都有溫柔嘅一面，呈現出嚟時都嚇咗自己一驚。」
現場所見，蝦頭身形比之前再瘦了一圈，她指因想自己有好身體，因此多做運動：「我冇刻意減肥，依然食好多嘢，只不過我係食素，培養出好嘅生活習慣。」對於大家都好奇蝦頭的體重，蝦頭坦言：「大約瘦咗廿幾磅，清走咗多毒素，個人都輕形咗，宜家啲衫鬆少少，上圍都縮咗少少，不過匀衡啱比例就ok，健康最緊要。」
劇中二人會否有親密演出？蝦頭笑說：「唔係你哋諗嘅親密，係另一種親密。」Gary哥哥是否要向太太報案？他笑言：「做咩要報案？太太今日都會嚟睇。」
