洪嘉豪昨日（29/5）出席香港建造學院開放日活動，與學生大玩遊戲，又自稱自己是「Gen C」，與年輕人未有代溝：「我係 Construction（建築）個 C，佢哋係 Gen Z！其實建築嘅嘢我本人可能砌個櫃都應該唔得㗎喇，最畀心機砌嘅可能係我嘅賽車模擬器嗰個車，而架車就要太多器材所以交返畀專業人士解決啦！」
洪嘉豪續指，自己屬「超級唔與時並進」，目前仍然用最「熟手」方法創作歌，「我知而家好多人用 AI ，即係個世界嘅發展都會繼續，但我自己本人都係認為音樂應該係有血有肉，即係都應該係自己整會好啲，所以暫時喺音樂上就未用到 AI。我好怕 AI 會侵佔咗我個人生，或者…… AI 攞咗我啲頭髮去複製咗一啲『洪嘉豪小朋友』出嚟！其實而家啲機械人係攞嚟表演，所以第時即係連 dancer 都唔使請，會唔會連我都用埋機械人慳返請我呢？」
另外，近日Gareth.T（湯令山）捲抄襲風波，新歌《玻璃》與John Mayer的經典名曲《Walt Grace’s Submarine Test, January 1967》極相似；對此，洪嘉豪表示近日忙於開工，因此未有細味Gareth作品，他說：「真心嘅，上星期做完自己個人演唱會，一星期開咗六日工，未有時間細味 Gareth 首新歌，但對我嚟講所有音樂都係好嘅，不過別人嘅音樂，就別人自己評論返！」至於，有指Gareth有新戀情，與「夜王BB」林熙彤正蜜運中，他亦表示未有恭喜對方，因為未得到確認，但會引用陳蕾回應，是否真都恭喜對方，因為單身都可以好開心。
