炎明熹（Gigi）今年初加盟 Sony Music推出第一首歌《風旅》後，今日（8/5）Gigi再推出全新單曲《Colors in the Air 原色》。Gigi 表示新作品帶給她前所未有的新鮮感：「佢同《風旅》好唔同，同我以前有節奏感嘅歌都有好大嘅分別，我第一次聽已經好鍾意！」Gigi 形容新歌旋律讓她感受到豐富的色彩、傳遞積極正面的能量，希望樂迷都能與自己一樣喜歡這首作品。
表達 Gigi 現時內心世界 監製 Edward：「完全係我印象中日常嘅 Gigi！」
《Colors in the Air 原色》鼓勵大眾遵從自我、拒絕被外界定義。Gigi 認為不論是歌詞與旋律都充分表達現階段「炎明熹」的內心想法。監製 Edward Chan 談及新歌，亦認為作品能將他腦海中 Gigi 的形象展現予樂迷：「呢首歌我覺得無論喺演繹方式定係歌本身，想帶出嘅意義上都好係我印象中嘅 Gigi。」Edward 補充道，這首歌展現了 Gigi 過去作品中較少觸及、更貼近日常生活且真實的一面，他呼籲樂迷用心傾聽，感受這份專屬於炎明熹最純粹且不加修飾的「原色」。
全新錄音方式 Gigi 又 Chill 又驚
Gigi 提到今次錄音與以往大為不同，新體驗更讓她內心百感交雜。為了捕捉新歌那種鬆弛的氛圍，令 Gigi 在錄音時亦能馬上進入狀態，監製 Edward 讓她手持咪高峰，隨意坐於錄音室地上錄音。Gigi 笑言：「雖然想點坐就點坐、點唱就點唱好 Chill，但一聽到（Edward）話個咪（咪高峰）係等同一架二手名車嘅價錢，而且仲要買唔返嘅時候就即刻好驚！」
可愛動物參演 MV 令 Gigi 難掩笑容
談到 MV 拍攝，Gigi 笑言最擔心的莫過於天氣。拍攝當日一度陰雲密布，所幸天公造美，外景拍攝順利搶在大雨前完成。除了 Gigi 擔綱 MV 主角，製作團隊更找來羊駝與小雞參演。一向喜愛小動物的 Gigi 談到這些演出對手時難掩興奮情緒，更笑指自己因牠們差點影響拍攝過程：「我係一個好鍾意小動物嘅人，本身現場要影一啲無表情嘅相，但見到佢哋我嘴角係完全壓唔住！」
而關於 MV 的構思，背後還藏着一段有趣的小故事。導演透露，起初對於是否在 MV 中加入動物元素仍猶豫不決，直到發現 Gigi 的通訊軟件頭像是一隻可愛的羊，才讓他拍板定案。Gigi 笑言：「雖然羊駝係羊駝，但都係『羊』，而我自己用羊做 Icon，係因為自己係白羊座，所以有少少覺得好有緣份。」除羊駝與自己星座有關外，Gigi 補充到自己生肖是屬雞，亦彷彿剛巧與 MV 中有出現的小雞有著某種連結，十分有趣。
