林峯和朱鑑然今晚（4月7日）出席「尋秦記Plus+多元宇宙版謝票場 暨 齊齊睇電視劇大結局見面會」，林峯指對上一次與觀眾一齊睇大結局，已經是當年的《溏心風暴》，朱仔就更加覺得可以參與睇大結局活動好神奇。問朱仔可希望電影版會有續集？他稱當然希望，如果有下集可以戲份多點，再多一點發揮，但詳細情形要問老闆。
林峯又透露，近日正積極操體能為電影《九龍城寨之終章》準備，因為今次打鬥場面應該更加多，所以體能好重要，希望續集給大家有驚喜，所以所有都應有Upgrade的。不過，在百忙之中，他日前也飛回國內一日陪老婆囡囡，估計之後都可以來港探班見面。
↑ 足本訪問內容 請睇YouTube片 ↑
