第44屆香港電影金像獎頒獎典禮丨今年的頒獎嘉賓有不少驚喜，除了周潤發、MIRROR三子及朱凌凌等，其中陳奕迅（Eason）和馮德倫一齊頒發「最佳原創電影歌曲」，期間Eason惡搞郭富城近日的禁毒廣告，做出招牌手勢之餘，又把「一齊企硬唔take嘢」口號，改為「一齊企硬支持香港電影」，惹來台下不少笑聲。
馮德倫先問Eason：「你都好耐冇拍戲，你應該多啲支持香港電影。」Eason聞言便笑說：「你聽我講，其實我係好鍾意拍戲，因為大家一齊做嘢係好開心。但係我做 tour，過去三年都一路係咁。」馮德倫即反問為何他有時間打網球，Eason解釋是為了保持身型和體重，但馮德倫又踢爆他說：「但係我成日見你喺Club度食嘢！」
Eason即扮作嚴肅說：「你聽我講，一齊企硬，支持香港電影！咁難得今晚有呢個機會，希望大家、在座嘅所有朋友同我一齊，我哋集氣，結集力量，一齊做好唔好？呢個將會成為2026最潮嘅語…螢光幕前面嘅朋友，千幾萬人，預備，action！聽我講，一齊企硬，支持香港電影！」Eason和馮德倫一同邊講邊做城城的招牌「揼胸」手勢。鏡頭一轉，台下所有嘉賓也跟着一同做手勢及叫口號，十分齊心。
