古天樂（古仔）今年連環爆驚喜，自 3 月底推出歌《世紀大騙局》後，再與宣萱合唱《無時空之戀》，繼而宣布 8 月登上紅館舉行《LOUIS KOO MY FIRST SHOW》。首次開個人騷，公布後立即令全城掀起撲飛潮，優先訂票及公開發售均秒速被掃清光，一票難求下，網民都跪求加場！
今日主辦單位宣布，為答謝一眾未能成功購票的樂迷，古仔將緊接香港紅館主場，乘勝追擊加開澳門站，鐵定2026年8月29日及30日連開兩場，登陸澳門威尼斯人綜藝館，換言之，大家可以「過大海」繼續睇。
日前古仔在MY FIRST SHOW記者會上，被追問會否加場時，他幽默表示「夠用就得，唔需要加『長』。」但對於歌迷未能成功撲飛大呼失望，經過主辦單位與古仔商討，落實以最快速度衝出香港，率先「過大海」將個人Show帶到澳門。古仔表示：「真係估唔到大家反應咁熱烈，亦冇諗過自己今次會以歌手身份唱到過大海，8月澳門見！」
