鍾嘉欣（Linda）昨晚（18/4）於佛山舉行演唱會；作為生日限定場，Linda特別邀請了張柏芝及曾比特擔任嘉賓，Linda表示：「兩位嘉賓都係我非常想合作嘅人，曾比特，我喺社交平台睇過佢演出，佢把聲好靚，好欣賞佢，我好好奇佢把鬈髮係咪真，一見到佢就想親手摸下；而柏芝，我2013年喺香港開演唱會已經邀請佢做嘉賓，不過嗰時佢檔期唔得，我一直都想再邀請佢，今年再嘗試搵佢，佢真係好Sweet，一口就答應，仲話只要佢個期得，啲工作調前調後，佢都會100%支持，我聽到佢咁講，覺得好感動同窩心。」
提到柏芝，鍾嘉欣表示入行初期透過朋友認識對方，柏芝是她心中一位大姐姐，好有愛、好願意幫人，她說：「以前當我遇到難題時，我會請教佢，佢都會畀意見我，今時今日再見，呢個大姐姐嘅感覺，仲加咗一種好媽媽嘅親切，作為一個媽媽，佢係我學習對象。」
鍾嘉欣與柏芝最後合唱了兩首歌曲，分別是《目的地》和《任何天氣》，Linda指：「《任何天氣》係我有私心，我希望柏芝可以唱呢首歌畀我聽，因為呢首歌內裏歌詞好有正能量。」至於鍾嘉欣就跟曾比特合唱黎明金曲《夏日傾情》，她還笑言跟曾比特合唱，有種找回初戀感覺。
問到剛於4月9日生日的鍾嘉欣如何慶祝？她表示：「生日喺香港簡簡單單咁過，好多朋友約我慶祝，但因為今次個唱關係，自己想閉關練舞同歌，唔想食咁多蛋糕，因為要Keep Fit。」
