COLLAR成員王家晴（Candy）早前推出第一首個人單曲《直白》後，昨日（28/5）再推出新歌《燈神》；今次繼續以愛情為題材，MV還找來舞台劇演員梁嘉進擔任男主角，兩人奉旨在鏡頭前談情。
新歌講述一段明知是錯的關係，但仍要苦苦堅持下去，一個愛情路上「輸家」的心聲，Candy說：「今次帶出嘅訊息同《直白》有少少相似，都係忠於自己嘅決定，不過今次有啲可悲，明白自己決定係錯，但仍要維持着一段錯嘅關係。」
Candy指請梁嘉進任MV男主角，他是自己心目中的首選，皆因大家之前曾合作過。二人奉旨談情，可有感覺尷尬？梁嘉進指跟Candy在舞台劇合作相處了個半月，再次合作感覺並不陌生，而Candy亦表示沒有尷尬，笑言感覺是一見如故，演出時更為自然。
問到家人對她的個人作品可有評價？Candy笑說：「有日我晏晝返屋企，屋企應該冇人，我係咁聽到《直白》首歌，以為自己幻聽，原來媽咪有兩部電話，其中一部電話長期擺屋企loop緊個MV，我問佢點解要咁做，佢話係播畀屋企啲貓聽，我覺得好搞笑，佢用呢啲方法嚟支持我。」她又透露，之前還有另一首歌可揀，但父母一致選中了《直白》作為她的第二首作品。
相關新聞：
COLLAR兩成員單飛出歌 IvySo蘇雅琳親自填詞私藏彩蛋 丨Candy王家晴搵Wyman助陣 一個人拍MV超緊張丨田木集作
