周國賢（Endy）一連四場全企位音樂會《周國賢 Disconnect to… Reconnect Unplugged Live》，昨晚（15/7）於新蒲崗Portal正式揭幕。全場550個企位售罄。音樂會開始，Endy便拿着結他自彈自唱，一口氣唱足18首歌。
是次音樂會以劇場式，探討科技與人性的關係，Endy分享靈感來自對先進時代的反思，例如有一日全球停電，人類不能依賴AI及網絡，會變成如何？他說：「自己一向對新事物慢半拍，懷念三十年前嗰種親手買工具、用汗水創作嘅『血肉感』。」亦因為這個原因，今次特意安排部分環節得一支木結他獨唱，重現當年寫歌的原始過程，之後樂手逐一加入，象徵找到理念相同的同伴。
唱完十八首，歌迷狂嗌Encore，Endy亦乖乖出場，更問現場樂迷：「今次呢個show係用咗一啲劇場式嘅方式去表演，鍾唔鍾意先？」全場即時尖叫回應：「鍾意！好好睇呀！好feel呀！」見反應熱烈，Endy即試水溫，表示如果可以開part 2就更好。全場即時歡呼叫好。
接着，Endy為歌迷送上驚喜，「跟住落嚟真係今晚最後一首歌！呢首歌我知你哋好想唱，但係應該冇人識跟住一齊唱，因為呢首歌係一首新歌，唔係《甕中之鱉》呀，呢隻歌將會係我今年第三首派台歌，唔識唱就跟住跳，亦都可以跟住我嘴形估吓我唱乜，我都成日唱錯嘅，哈哈！」
Endy續透露，這首壓軸新歌是跟久違的拍檔小克聯手打造，歌名難講又難記，叫做《仿生覺知》。雖然Endy唱完隨即落台，但全場人仍然未肯離開，狂叫Encore近三分鐘，終於Endy跟樂隊再次返回舞台；Endy說：「真係冇準備，唯有唱啲我記到歌詞嘅好冇？」隨即唱出《14天》，歌迷除了喪叫更全場大合唱。
