MIRROR成員Edan呂爵安今日（24/5）與老友Ryan蔡俊彥及林奕匡（Phil）出席假銅鑼灣舉行的音樂活動，吸引大批歌迷到場欣賞，Edan表示知道天氣悶熱，大家都好辛苦，所以好多謝大家支持。
今日Edan與Ryan各自唱自己新歌，還首次公開合唱全新合唱歌《1206》，以及與Phil合唱三人版的《高山低谷》。講到新歌MV今次由Edan執導 ，當中剪輯了很多昔日片段，Ryan表示：「個MV我睇咗起碼20次，但完整睇晒就睇咗兩次，因為最尾嗰啲唔敢睇。」Ryan又指以前因為經常要比賽，很少參與樓友活動，故當日回去都有些感觸。
Edan就多謝現在宿舍1206房的宿生借房間給他們拍攝，但為免麻煩要人把東西執走，故拍攝時都是把東西加上去，盡量還原當年房間的狀況。Edan大讚Ryan演出很自然，但Ryan表示暫時無意拍戲，講笑說如果電影是由呂導演執導，他就會答應。
受訪期間，Ryan又忽然感觸表示今日和Edan公開合唱《1206》覺得人生好得意，「以前兩個黃毛小子，成日迫人打牌，又唔畀人趕deadline，而家一齊出event唱合唱歌，好感恩遇到呢個朋友。」不過，Ryan笑說現在劍擊比賽前不會再聽Edan的歌：「我唔會再聽Edan同自己嘅歌，因為唔旺我，聽自歌就怕會分心。」問Ryan現在會聽甚麼歌？他透露近日贏比賽有聽張天賦的《目擊者》，也有聽陳奕迅的《十面埋伏》。最後，他表示會考慮再畀機會聽Edan的歌，但Edan反叫他不要笑，講笑說自己孭唔起！
另外，昨晚（23/5）二人返回1206房直播兼打牌，Edan說花姐表示未試過睇直播睇到滴晒汗，但他叫花姐不用擔心，因為應該只開到這一次。講到打牌，Edan日前再與ERROR肥仔、佘詩曼、吳君如等人約齊腳開枱，阿佘還爆自己輸了四位數字，再次「交學費」給肥仔，Edan說自己都輸了4位數，但沒有阿佘那麼多。
▶️ 足本訪問 請到YouTube睇片
