馮德倫搵葉劉坐陣拍《老馮日記》賀端午丨葉劉重演被「麒麟」撞到趴地丨着瑜伽褲贏獎寸爆 馮德倫激到反眼叫葉劉合埋隻腳丨田木集作

今日（19/6）是端午節，馮德倫 Stephen 昨晚（18/6）在社交平台上載《老馮日記》新片，更找來行會召集人葉劉淑儀拍片，網民大叫好癲！葉劉更在片中重演被「麒麟」撞飛，跌倒趴在地上一幕。

全片故事講 Stephen 信心十足等攞「最時尚 Icon」大獎，事關公司同事表示早已「傾好」，未料他在司儀宣布得獎名單，準備起身領獎時，竟然宣布得獎人是葉劉，令他激到反眼。最搞笑是葉劉離場時要「黐車」坐，上車後還說話多多指 Stephen 唔夠舒服，又寸嘴問：「我求其着條瑜伽褲都贏獎，你有咩睇法？」Stephen  隨即回應：「我嘅睇法就係，葉太，如果你堅持着咁緊嘅瑜伽褲 可唔可以合埋啲隻腳坐！」

接着，就是重現葉劉被「麒麟」撞飛一幕，她在車上見到有「麒麟」便不停說好人驚，又叫 Stephen 開車走，最後 Stephen 叫她落車，結果她一落車就「麒麟」撞珧飛起再趴喺地，Stephen 就乘機在她手上奪回獎項，一臉得戚返回車上。

短片發布後，不少網民都留言表示好好笑，又表示無諗過葉劉肯一齊玩，而葉劉亦有在社交平台上載與 Stephen的合照，並感謝 Stephen 的邀請，表示拍攝期間玩得開心，也希望大家睇得開心。