張衛健、容祖兒今日（20/6）齊齊現身香港迪士尼樂園，出席動畫電影《反斗奇兵5》首映禮，Joey在首映禮前還參與了迪士尼巡遊「Pixar水花大街派對」，玩足一日！
祖兒表示心情非常興奮，笑說站在花車上跟遊客揮手，感覺是人生高光時刻，「成個人都好 High，而且今日天公造美，之前睇天氣報告仲話會落雨，去到巡遊時見到《Toy Story》啲雲咁，天公都幫我哋！」在旁的張衛健即搞笑謂︰「我咁大個仔咩雲都見過，係未見過『Toy 雲』，人生有幾何見到『Toy 雲』？」
講到能為「翠絲」配音，以及跟張衛健及劉青雲合作，祖兒除了覺得自己性格與翠絲很相似，大家都是很有正義感及爽朗，因為「翠絲」多了人認識自己也很開心。提到她早前率先向歌迷透露，明天在1月在啟德開演唱會，祖兒順便多謝張衛健好有心，向她推薦了一些很好的合作單位。她接着再話當年，指張衛健是她第二個紅館演唱會嘉賓，祖兒問他是否不記得時，張衛健即保持一貫搞鬼作風，回應說：「我梗係記得啦！個台起碼有兩支咪，個台真係不得了，祖兒嗰晚表演得好好，跳得好好，完全無甩！」
另外，祖兒剛於 6 月 16 日度過 46 歲生日，她說搞了兩日生日飯，一日是朋友，一日是家人，而阿Sa蔡卓妍兩天都和老公一齊出席，阿 Sa 還特別選同一個地方為嫲嫲慶祝 100 歲生日，方便走兩場。至於，早前舉行的賣二手衫慈善活動，祖兒稱未扣除開支有七位數字善款；張衛健聞言即問她︰「咁你會唔會義賣樓呀！拎層樓出嚟義賣吖不如！」令祖兒笑不停。
相關新聞 ⤵️
洪天明周家蔚帶囝囝睇《反斗奇兵5》首映 稱難得兒子仍黐身丨談楊思琦被欺凌事件 稱無見過唔敢講太多丨江嘉敏享受自由身接工作 積極瘦身未敢着比堅尼拍廣告丨吳業坤美加工作帶老婆同行 未有造人計劃丨田木集作
