「吳林峰可以開一場麥花臣已經好驚喜。」由中學開始Busking，直到現在能唱到麥花臣，吳林峰笑言自己習慣尋找自己的舞台，「今日有個屬於自己嘅舞台，感覺好唔同，你會既興奮又緊張之餘，又會覺得有啲不可思議，原來呢個舞台要等咁耐。」
「吳林峰可以開一場麥花臣已經好驚喜。」由中學開始Busking，直到現在能唱到麥花臣，吳林峰笑言自己習慣尋找自己的舞台，「今日有個屬於自己嘅舞台，感覺好唔同，你會既興奮又緊張之餘，又會覺得有啲不可思議，原來呢個舞台要等咁耐。」 最初開始Busking，吳林峰說因由很搞笑。「我記得我Busking係中四暑假，嗰段時間開始準備考DSE，好大壓力。嗰時補習喺旺角，女人街嗰邊有好多唔同表演，好多年輕人唱歌，我覺得係一種好特別嘅感覺，好想試試，但覺得講出嚟唔係被阿媽鬧死，就係被阿爸打死。但後嚟諗一諗，又唔係，就搵咗《全民造星II》參賽者阿Will （羅卓華）一齊試。佢係最初同我去Busking嘅人，我哋係由細玩到大。」最後因為阿Will失戀，他們就開啟了Busking之路。
人生中沒有一件事能堅持多於一個月，除了Busking。吳林峰覺得自己好像找到存在價值，在音樂中找到自己是一個怎樣的人，「每個人都可以認識音樂，但我喺音樂度可以大聲講，我叫吳林峰，我唔係林峯，呢個係好神奇。」因為做音樂，他在中五開始，很少參加同學聚會，讀書時也沒參與課外活動，一心只想寫、練吉他，甚至令到妹妹很討厭他。但音樂，亦令他得到不少，能認識自己，以及認識了世界的廣闊，還有認識很多音樂人，包括阿Jer（柳應廷）。「我同佢係網友，IG認識。佢係一個點樣嘅人？佢係一個癡線佬，比我仲癡線。佢唔理啲啲歌幾難唱，佢會先試，試到唔得就做到得為止，呢個係我尊敬佢嘅地方。」
因為音樂，吳林峰或許失去不少，但得到的也不少。最近就得到一個開個唱的機會，問到如何準備個唱，他說要先調節自己的身體，最近都早睡早起，做運動多喝水，以最好的狀態去準備。除此以外，更要做好心理上的準備，「我最近有冥想，幻想一次出騷會點，一次唔夠再諗第二次。」而驚喜方面，他就保密，但就笑言不會跳舞。
