ERROR成員梁業（Fatboy）今日（2/4）與鍾嘉欣一齊出席活動打匹克球。肥仔更自誇圈中能跟他匹敵的只有許廷鏗，形容姜濤跟他打只是自取其辱，十分抵死！
Fatboy剛為黎明（Leon）紅館演唱會擔任舞蹈總監，更親自上台扮木偶；他表示本來安排了其他舞蹈員做，但最後Leon感他表現最好，所以點名要他演出，自言也感到好榮幸。提到Leon的金句，Fatboy即表示十分厲害，又指對方跳舞屬free style，但也有留意舞蹈員舞步。
另外，其ERROR隊友保錡，指自己情緒有問題，Fatboy即說︰「佢出道已經有病，我哋成隊都有病！我都癡肥啦！Dee就要一日飲 9杯 Latte，都係黐線一種，193就因為太高，視野同眼界都太高，睇唔到低層一啲嘢！」他又說保錡的問題只是心魔。
