盧瀚霆（Anson Lo）及呂爵安（Edan）4月4日、5日合體在澳門開騷，今次亦是「登神」相隔五年再次合體。演唱會兩人除了各自Solo表演環節，亦有互唱對方作品及合唱。
Edan在台上表示：「上次咁樣合作表演已經係五年前嘅YouTube live。所以全靠呢個主辦單位，我哋先有呢個機會，喺五年後再做一個新嘅表演。我相信我哋嗰陣都冇諗過會有呢個show、呢個rundown出現。」接着，他又多謝Fans支持，「呢啲付出唔係必然，你哋選擇呢個假期冒住風雨，搭會暈嘅船過嚟，所以多謝你哋！希望我哋都會繼續成長，繼續努力，大家一齊見證我哋嘅進步。」
Anson Lo則希望大家喜歡歌單，又指他和Edan好耐無兩個人合作，除了五年前，就要返去《全民造星》第二季一齊跳《Killers》。最後，Edan和Anson Lo帶動全場大合唱《突如其來的心跳感覺》結束演唱會。
