陳柏宇（Jason），15年前擁有第一首單曲，形象一直站在實力與偶像之間，某至一度被稱為「穩世歌手」，他亦自覺四、五年前人氣旺盛因為生活變化帶來，其實自己未夠好！
不過，相隔四年，Jason再有踏上紅館機會，12月10及11日會舉行《陳柏宇Fight For __ Live in Hong Kong Coliseum》演唱會，成功取得十二月黃金檔期，Jason自認是半個完美主義者，如果由他決定何時開騷，恐怕遲遲開不成。「如果要我決定係幾時開騷，有機會係永遠開唔成，因為自己對自己信心，一定有唔足夠地方，某程度上我係半個完美主義者，幾時都想係做好啲，但係有時做唔好，唔係自己預期，咁情願放棄唔做。」
既然決定開騷，Jason當然做足準備，今次演唱會主題為「FIGHT FOR」，當中一個宣傳口號為「你為了甚麼而奮鬥」。Jason說：「姑不論你好成功冇咗團火、冇咗推動力，定係你好唔成功，冇咗推動力，呢個題材係幾時都啱用，但更加貼切嘅，係自己呢刻嘅心態係乜嘢？Fight for對我嚟講最大意義，就係去「Fight for career」。
有指，整個娛樂圈現在被「無處不在」的男團MIRROR霸佔，外界焦點及關注全都放在12位成員身上，男歌手的關注度被徹底打散。對此，Jason反應是：「我渣啫！真係呀，我唔覺得如果我受歡迎程度減低，係因為其他人攞走咗一啲嘢，而係因為我唔能夠繼續值得佢哋注意啫。」
Jason承認，疫情出現令自己面對事業危機，皆因收入不穩，很多事情也不在控制範圍內。「咁多年嚟好似係靠運氣，自己冇乜價值咁，為咗攞啲實在感，我第一樣做嘅事就係去學唱歌。」
講到Jason在大眾眼中已屬唱得之人，他就謙虛說：「因為個個都唔識聽，包括我在內。」Jason又用打籃球作比喻，「五呎打籃球同六呎籃球都明顯有分別啦，咁我要由五呎練到變六呎囉，所以，就算演唱會完咗都會繼續學唱歌㗎。」