現年31歲的岑珈其KaKi出道十四年，當年是導演麥曦茵旗下藝人的他，曾與梁曉豐Anjo、林耀聲Sing、黃溢濠Yatho組成男子組合PlayTime，雖然組合其後拆夥，但他與Anjo依然老友鬼鬼，一對好兄弟最近更合資做生意，推出手製「辣魚醬」，換句話說，本來已經「無處不在」；電視、電影、廣告、網上平台都見到其影蹤的KaKi，正式殺入商界做老闆，自認貪心的他更預告新產品會陸續有來。
KaKi和Anjo日前接受《田木集作》專訪，Anjo講到這個「辣魚醬」，表示這款醬在澳門有很多Fans，「雖然好似好多人未聽過，但其實辣魚醬喺澳門好多人鍾意食，亦有人特登坐船去澳門食，喺啲舊式冰室會食得到，但疫情連澳門都去唔到，嚟緊可以喺香港食。」
KaKi則表示，他對這個醬有信心的原因，除了覺得真的很好味，是這個辣魚醬完全是handmade，並非他們隨便購入一個品牌，然後用二人肖像做招牌便推出。KaKi還指，他已經跟「試當真」及「膠戰」眾兄弟說了，準備好了便會送給大家吃，「你問我，我好貪心㗎，我唔係只想擺喺網上賣，我係想茶餐廳都食得到，因為呢個辣魚醬配撘喺好多食物上都好好味，你可以用嚟炒飯，可以用嚟夾麵包或者配即食麵一齊食，都一樣好好味。」
問二人可擔心兄弟合作做生意，最後會因財失義？KaKi聞言即笑謂：「預咗啦！」當然KaKi稱只是說笑，還指他和Anjo相識17年，對這個友情考驗相當有信心。 支持《田木集作》，睇片睇足本訪問內容啦！
場地：陪著你走甜品