Ian 陳卓賢昨晚（30/6）與鍾嘉欣齊齊現身銅鑼灣出席品牌活動；為準備7月份的啟德演唱會，Ian 稱今次活動應該是開騷前最後一個活動。
另外，早前 Ian 的歌曲《那抹柔光，名為你》被獨立歌手潘宇謙（AP）暗示抄襲他的作品，Ian 隨即表示要嚴正回應這事，並以四個邏輯反駁指控。他說：「第一，我出道咗 8 年，當中出嘅作品都唔少，我係選秀節目出身，我嘅能力、實力，做緊嘢係有目共睹。第二，我嘅電腦是但一首歌都可以出得，我未至於墮落到要抄歌。」還有另外兩點，是他如果我要抄襲某一位歌手的歌，點解那一位歌手會不只一次叫他寫歌，還有第四點，是他並非跟對方有合作的監製，點會有對方的 Demo，所以並不合理。
Ian 重申，大家看待事情要合乎邏輯，並指自己出道 8 年，如果有證據歡迎大家實名指證。他續謂：「俗啲講，如果想誅死我，Sorry！無乜可能！」他又表示事件未有影響心情，因為自己行得正企得正，「每個人做嘢都係但求每晚瞓得安樂，做嘢唔係做畀人睇，個天都睇緊，我每晚都瞓得好安樂！」
