兩代影后「靚靚」袁詠儀、余香凝（Jennifer）首度合作拍攝電影《慾望寄生》，兩人今日與片中一眾演員，包括佳芯、盧鎮業（小野）、狄龍、米雪等人，於柴灣出席開鏡拜神儀式。Jennifer 指自己不敢直接向靚靚示愛，又表示今次最大收穫是跟靚靚拍戲，而靚靚則大讚 Jennifer 有料到！
片中 Jennifer 和靚靚演上司與下屬，兩人均表示角色跟以往好不同，靚靚更笑說導演說 她「唔夠狗」，叫她可以再演衰一些。另外，靚靚相隔超過30年再與狄龍大哥合作，對上一次已是《邊城浪子》，她大讚狄龍仍然好精靈及好精神。談到她與天王嫂方媛拍內地綜藝節目，靚靚說剛剛已經拍完，又指對方最初有不唔慣，因為本身比較內向，但後來也愈來愈慣。
四語司儀施可瑩（Lillian）不敵癌魔病逝，余香凝憶起對方亦很傷感，亦坦言得知消息後好心痛，「由《死屍死時四十四》、《白日之下》到《隻囍》，好多謝佢喺我生命中出現，同我哋跑過好多謝票場，多謝佢為電影界嘅付出，佢係一個好開心好堅強、樂觀，做嘢態度好好嘅女仔，所以佢留下嘅回憶，大家會永遠記得，希望佢喺第二個國度可以無病無痛。」
足本內容 請到YouTube睇片 🔴
相關新聞 ⤵️
李佳芯與「雙影后」余香凝 袁詠儀合作講明要偷師丨大台拍劇未遇過欺凌事件丨「小野」盧鎮業留鬚演草根 與Fish各有各忙少溝通丨田木集作
