Tyson Yoshi 今晚現身時裝品牌活動，首度開腔回應被追64萬光碟製作費事。雖然事件已進入司法程序不能講太多，但Tyson見記者即表示直奔主題講了幾句，並指自己有點無奈。他續謂，演演唱會多個單位，由頭到尾未OK過那個價錢，指64萬1000張碟，未計拍攝、剪接同mixing，mix 20首歌，加起來成本要過千元不合理，所以交比官判！
Tyson嘆謂：「近日已經好乖無出聲，又有壇嘢，但都要處理，雖然有朋友話咁多個Party，比錢息事寧人，但覺得無可能，今日60萬，下次600萬，有Haters話我半架車都唔止，係呀，但道理唔係！」他更自爆直因心情困擾，買了新車平衡情緒，但因為買「兩個轆」平好多。
另外，Tyson指並未與對方簽約，「佢哋話已經做咗，但我哋都冇approve，點可以開工？」他又說：「我哋係話個設計OK，但我哋有權請其他廠印，我買你個設計，你有相熟嘅廠，但唔代表我一定要用。」不過，他說整件事無論判決怎樣，律師都是大贏家。
講到他早前被拍到參與拍攝《九龍城寨之終章》，Tyson先扮儍反問：「好似係張繼聰或者泰迪羅賓喎！」然後才說：「拍咗少少啦！」他還說人生第一次後悔紋身，因為每次開工都要遮紋身，最初要花兩小時，其後才減至個半小時。」問Tyson在片中是否「好好打」？ 他笑指自己是被打，又指導演鄭保瑞嫌他太大隻，所以他主要穿長袖衫，不用騷肌，純演技。他笑說：「導演話做自己就得，我話我無演技㗎！真係做自己！」他又大讚吳彥祖及其他他人都好型，自己是全場最「薯」一個，但導演說到40、50歲就有那個韻味，叫他做住𡃁先！「我都幾開心，唔係好main，又唔係好茄啦！」
足本內容 請到YouTube睇片 ▶️
相關新聞 ⤵️
宣萱八月開生日Party後計劃旅行 古天樂突然開演唱會要調動檔期出席丨Mandy譚旻萱要求另一半要黑 同場兩Oppa池昌珉 & 金載原唔啱過人世丨稱古老闆開騷一Calll即到丨田木集作
