舞台劇《The Magic Hour 魔幻時刻》今晚首演，一眾演員謝君豪、葛民輝、江𤒹生（AK）、韋羅莎（Rosa）、童童，加上台前幕後工作人員，今日齊齊出席拜神儀式，祈求演出順川利利。
AK坦言首場演出較緊張，因為劇院有學生會入場睇，而童童則表示緊張之餘覺得開心最重要，還指這個舞台劇落重本有爆破場面。葛民輝除了以「童童姐」稱呼童童及讚她好戲，又忽然劇透 AK 與童童有親密接觸，嚇得AK立即「殊殊聲」叫停，惟葛爺表現興奮，繼續講不停；提到他和Rosa的感情線，葛民輝笑說那些只得遠距離屬「下欄嘢」，又稱要畀「老毛」導演才可以攬攬。
另外，豪哥與Rosa相隔接近20年再合作，豪哥稱當年Rosa剛畢業，參演古裝話劇《梨花夢》演出，當時Rosa有兩句對白。笑問Rosa可知葛爺希望與她有更多對手戲，以及加「攬攬」戲要封「老毛」？Rosa即笑叫大家不要信他講的，稱對方講的東西可信性甚低！
而豪哥日前回應恩師鍾景輝離世表現傷感，他表示自己與同學會每年至少兩次拜訪恩師，包括農曆新年及他的生日，加上自己跟King Sir是同月同日生日，所以每年都會一齊慶祝。他指得悉King Sir離世一度感到難以置信，心情百感交集。
豪哥指King Sir生前有不少金句，最記得一句是對方講過，演員不單只是做戲，更多時間需要等待。他說：「我嗰下真係茅塞頓開，我喺《選角》都有同啲學生講要等待，等待好緊要，等機會來臨，而等緊嘅時候就要進修自己，拍戲、排戲都要等，我哋要點樣面對等。」
▶️ 足本內容 請到YouTube睇片
首場演出圓滿結束 謝票現場⤵️
