ERROR自2024年12月推出《野舞士》後，相隔近一年半，終於推出最新團歌《我們不分》。隊長梁業（FatBoy）表示：「我哋ERROR不嬲都慣咗好耐先會出一首歌，你知我哋慢工出細貨呀嘛！想揀得好好聽咁樣送畀大家。」至於為何選擇此刻推出，FatBoy直言是為了給樂迷帶來連環驚喜：「大家都成日話3哥、保錡未復出，咁我哋一次過，等佢哋出完歌，連續三步曲畀個衝擊大家！」
提及今次的新歌陣容，保錡充滿信心：「新歌嘅班底有周耀輝老師填詞，仲有好了解我哋嘅何秉舜，為ERROR度身訂造呢首歌。雖然表面講愛情，但內裡亦關於兄弟情。周耀輝老師就更加寫到我哋『不分』嗰種感覺，真係錦上添花！不論喺兄弟情或者愛情路上，大家都一定要有『我們不分』嘅結果。」
新歌《我們不分》其實暗藏玄機，是延續 ERROR以往《我們不碎》、《我們不Chok》、《我們很帥》系列的第四部曲作品。何啟華（Dee）分享這個構思由來：「今次叫《我們不分》，最主要原因填詞人係周耀輝老師。《我們很帥》已經係七年前周耀輝老師畀我哋嘅作品，對上一次同佢合作亦都係五年前《I Promise》。」談到「不分」的雙重意義，Dee表示四子已從男孩子進入男人階段，面對社會上「過三字頭就要談婚論嫁」，他們想探討另一種長久的愛：「不分離同不結婚，其實你不分離就已經好似結婚咁浪漫，都係一輩子嘅事。而且，呢個歌名亦都有少少回應我哋最近一啲風波。當我哋重振旗鼓出返嚟嘅時候，亦都秉承、間接回應咗我哋團隊嘅團魂，就係我哋都係『不分』！」
至於ERROR今年會否再有團歌或舉辦演唱會，郭嘉駿（193）披露今年的動向：「今年我哋會從多方面去努力！開唔開演唱會？我哋可能會有一啲其他形式嘅show，或者我哋都會努力研究吓呢一方面，希望大家期待！」被問到 MV會否有女主角，FatBoy隨即大賣關子，預告將有「自肥」驚喜，「女主角方面呢……你知我哋ERROR不嬲都自肥開㗎啦！女主角嚟講，絕對會有個重量級嘅嘉賓將會出現！」
