MIRROR兩位成員Edan呂爵安及Jer柳應廷今日（28/4）齊齊出席品牌活動搵真銀，講到Edan日前在澳門演出有蝦碌事，首先是爆鈕，接着是「戴着耳機搵耳機」，Edan笑指爆鈕應該是自己「大隻咗」，而搵耳機這些蝦碌事偶爾也會發生，但又說自己這些「7事」很難超越Jer，並以「7界之王」來形容他，十分搞笑。
自公布Edan將會演港版《悠長假期》木村拓哉一角，網上討論排山倒海，有不少P圖及留言，Edan坦言都預計到會有這些，還笑指自己都有睇P圖及留言，「我睇到一個覺得幾好笑，係佢話咁我返工唔放假咯！」問他與李佳芯有互動未？他說還未有，自上次導演會剛巧坐一枱見過，之後未有見面。
而早前與吳林峰一齊Busking的Jer，表示希望之後再有機會，但自己即將要為演唱會閉關。他又透露演唱會前會多出一首新歌及拍MV。
▶️ 足本內容 請看YouTube影片
