廖子妤（Fish）曾獲得「最佳女配角」，今年她終於「再上一層樓」，憑電影《像我這樣的愛情》首奪「最佳女主角」，其男朋友盧鎮業即時拿起相機，為女友拍下拿獎的重要時刻。
甫上台，Fish已表現得十分激動，她說：「呢段時間我個人好亂，我一直喺度消化呢件事，因為好多人話我大熱，我係好驚，因為我好怕畀好多眼睛注意，但係我好鍾意做戲，我鍾意嘅嘢同我好怕嘅嘢係相衝嘅，但係人一世物一世，我好想試下。」
當Fish答謝導演時，但久久未能記起導演的名字，十分搞笑，及後再記起是譚惠貞。Fish又表示要把獎項送給父母：「我好多謝佢哋相信我，從來無懷疑我嘅決定，即使懷疑我都唔敢話我知，因為我要做嘅嘢一定要做。」
此時，台下有人大叫「小野」盧鎮業，Fish 聞言也即時多謝男朋友的支持，而小野也做出雙手合十的手勢回應女友。
